تتنوع طرق تحضير القهوة والشاهي بعد، لكن لقينا إنه القهوة أكثر تنوع منه، ولقينا إن الشي المختلف الي موب عندنا هو عملية التقطير وما يعرف بالقهوة المقطرة، والكم الكبير من الناس المفتونين بطريقة تحضيرها، من هنا وِلَدت بذرة الطموح في قلوب فريق شاهي رمضاء علشان ننافسها، الطموح الي نعتز به كصفة من صفات كل سعودي، و#لأن_عزّنا_بطموحنا، قررنا نشتغل على منتج الشاهي المقطّر، حتى نرضي ذوق عشاقه، ونزيد بعد بعدد عشاقه، خلونا نتعرف على رحلة #الشاهي_المقطر من خلال هذه المقالة، من بداية الفكرة إلى طريقة التحضير، إلى استمتاعك بشربه، إلى معايير انتقاءك للبراند المناسب، واش أفضل براند متوفر حالياً يقدّمه، علشان تستمع بكوب دافي يعطيك طاقة بالصباح، تشارك من تحب سواليفك معه، بعد وجبة الفطور، أو حتى تستمع وأنت تشربه وحدك في لحظات استرخاءك، تابع معي..
حكاية الميلاد ودافع ابن البلاد
بدأت الفكرة لما شاف الشاب السعودي (إبراهيم) الشغوف بحب تحضير الشاهي، إنه القهوة بدأت تتنوع في طرق تحضيرها، لدرجة إنسحاب الكثير من عشاق الشاهي نحوها، حب يرجعهم له بطريقة ذكية، بأنه ينافسها في أكبر ميزة تتميز فيها حالياً، عملية التقطير، قام وقِدَح وقطّر الشاهي، حوّله من مجرد طريقة تقليدية قد تكون مملة في التحضير لدى البعض، وشغف كبير لدى الكثير، حبّ يجمع بين حب الناس للشاهي، وكونه مشروب تقليدي تبدأ يومك، أو كجزء من وجباتك وجلساتك، إلى فن تتفنن فيه وإنت تحضّره، تقدر تتفنن في تصوير طريقة تحضيره، أو بس تتأمل السائل الأحمر اللي يتقطر قطره قطره من خلال الفلتر الورقي الناعم، تنتظر بصبر إنتهاء المهمه، عشان تمسكه بين كفينك وتستمتع بكل رشفة فيه، وبكذا صار #شاهي_مقطر، هذا بالإضافة إلى جمعه للنكهه التقليدية معه، وهي نكهة الحطب، فجمع ريحة الماضي وطعم الكشتات، مع طعم الحاضر وتقنياته الحديثه، بمزيج ذكي، تقدر تحضّره بثواني‘ عشان بس نثبت للعالم، إن السعودي ما يصعب عليه شي، وفوق يا سعودي..
التحديات اللي واجهته والحلول الذكية
الرحلة ما كانت سهلة أبد على هالشاب الطموح، وقفت في وجهه تحديات قبل لا تستمع بحلاوة هالشاهي وبريحته بكوبك، ومن أهم التحديات اللي وجهته:
أول تحدي كان تطوير العملية نفسها: بعد العديد من التجارب، وصل الشاب إلى طريقة مثالية لتقطير الشاهي، بدمج التقينة الصناعية الحديثة، مع الطرق التقليدية، عشان تستمع بشاهي مقطر بنكهة حطب، بدون شبة نار، ولا طلعة بر، ريحة بر بكوبك على شكل فلتر..
ثاني تحدي كان تحديد الميزانية للقيام بتنفيذ هذه الفكرة بدون خسارة مع مجازفة كبيرة لدخول السوق بمنتج جديد عليه..
ثالث تحدي والأخير هو عملية التسويق للمنتج علشان يصف في الصف الأول من بين المنتجات المميزة في عالم الشاهي..كانت مرهقة بالبداية، لكن حبكم للمنتج، وتشجيعكم وتجاربكم به، كان له دور كبير في رفع المبيعات لهذا المنتج، حتى قدر يفرض وجوده في سوق المشروبات العشبية، وينال على رضى الكثير.
:عملية التقطير
- حرصنا على اختيار أجود أنواع الشاهي السيلاني الفاخر من درجة (OP1).
- ثم قمنا ونقناه في مويه ساخنة نقية.
- ثم قطّرناه بطريقة ذكية بتقنية حديثة.
- قمنا بجمع قطرات النقية للشاهي المستخلص.
- أضفنا نكهة الحطب وريحته له.
- عبيناه بفلاتر ناعمة أنيقة.
- علبناه بعبوات جذابة مميزة ليصلك بكل حب.
:مكونات الشاهي المقطر المدخن
- أجود أنواع الشاهي السيلاني الأسود درجة (OP1).
- مويه نقية.
- نكهة الحطب وريحته.
فوائد الشاهي المقطر المدخن
- نكهة حطب قوية وريحة تجنن.
- تحضير بثواني.
- شاحن طاقة قوي وطويل المفعول.
- شريك مثالي لأوقاتك لحالك ووجباتك وجلساتك مع أحبابك بدون ماتشب ولاحطبه.
تمكّن الشاب من تحويل منتج تتعب وتكشت عشان تستمع بطعم الحطب وريحته، إلى فلتر تصب عليه مويه حارة وتحضّره بثواني وانت ببيتك، أو حتى تاخذه معك للدوام، من غير ماتشب ولاحطبه، وصار منتج قريب للكل، حبّوه المستهلكين وصار عليه إقبال كبير، يوصلك لحد بابك بشحنة مغلفة بكل عناية،وبكذا نافسنا القهوة بتقطير الشاهي، حتى محبيها صاروا يتفنون بمشاركة لحظاتهم الحلوة معه، وبكذا وصلكم #شاهي_رمضاء_المدخن_المقطر بكل حب، عشان تستمع به، حاول تقرأ هالمقالة وأنت تستمتع بشربه..
طريقة تحضير شاهي رمضاء المدخن المقطّر بثواني:
- شمّر عن أكمامك..اسحب لك أقر ب كوب وفك الظرف من العلبة ثم من ثبّته.
- تبي تحط ملعقة ملعقتين سكر ما يخالف بس أنا أقولك ما يحتاج لأنك حالي والحالي ما يبيله حالي.
- اغل المويه وصبها على الفلتر الناعم.
- اتركه يخدر مدة 5 دقايق.
- استمتع بطاقة وريحة حطب وانطلق أو اجلس وروّق عليه.