تتعدد طرق تحضير الشاهي، وتتفاوت مزاجات الناس في تحضيره، منهم من يحب يجلس له، ويتفنن في وزن ذراته السوداء الفاتنه، ويستمتع بمشهدها وهي تمتزج مع الماء المغلي، ومنهم من يفضل شربه بسرعه علشان بس يصحصح ويلحق على أشغاله، ومنهم من ياخذه معه كرفيق للطريق، أو الدوام، ويحب يسويه بسرعه بدون تعب، بس يحط ويصب ويروق..
فلاش باك أول كيس شاهي:
تدري إنه أول مرة بدوا يعبون أوراق الشاهي بأكياس صغيرة؛ كان في بدايات القرن العشرين بأمريكا، كان أول من ابتكر هالفكرة تاجر شاهي أمريكي الأصل اسمه (توماس سوليفان) وبدوا بأكياس حرير، بعدها هالطريقة أعجبت الزباين لأنها أكثر نظافة سهولة ونظافة في التحضير، وبعدها انتشرت الفكرة حتى تطورت الفكرة إلى شاهي يعبى بأكياس مصنوعة من الورق وغيره من المواد الاستهلاكية الي تتحلل.
أنواع أكياس الشاهي:
أكياس الشاهي موب كلها مثل بعض فيه أنواع عديدة لها حتى ترضي أذواق الناس المختلفة منها:
- أكياس الشاهي الورقية: الأكثر شيوعًا واستخدامًا، مصنوعة من ورق خاص يسمح بمرور الماء والنكهات. هي أكثرها انتشار وأشهرها، وميزتها إن ورقها خاص يسمح بمرور الماء والنكهات.
- أكياس الشاهي القطنية أوالقماشية: تتميز بأنها من أصدقاء البيئة تقدر ترجع تعبيها.
- أكياس الشاي الهرمية : يمكن هذا أزين نوع يسمح لمستخلص أوراق الشاهي بإنه ينتشر بداخل المويه المغليه، وتعزز من النكهة حتى توصلك نكهة قوية تروّقك.
- أكياس الشاهي القابلة للتحلل: تتميز بأنها تتحلل بعد الاستخدام بكل سهولة بحيث إنها ما تضر بالبيئة.
مميزات أكياس الشاهي:
- سهلة التحضير: ما تحتاج إلى مويه مغليه، إن إنت بالبيت غليتها ثم من صبيتها وروّقت، وإن أنت برا البيت بسفر ولابدوام ولاحتى بطلعه ماتحتاج منك إلاّ حافظة ما حار وانطلق واستمتع.
- الكمية موزونة: للي مايحبون يتعبون نفسهم بوزنية الشاهي؛ فإنه أكياس الشاهي موزونة ماتحتاج وزن.
- نظافة وعملية: ما تنحاس ببقايا أوراق الشاهي بالكوب، وتقدر تنظفه بكل سهولة.
طريقة تحضير كوب شاهي بأكياس رمضاء الهرمية:
شمّر عن أكمامك وحضّره:
- فك العلبة ثم من اسحب كيسنا الهرمي المزيون.
- ازرفلك كوب شاهي من الرف.
- جهز الغلاية واغل المويه زين.
- حط كيسنا الهرمي بالكوب.
- صب مويتك المغليه.
- تبي تحط ملعقة ملعقتين سكر حسب رغبتك، بس ما يحتاج حنا شاهينا (مايِعقِد) بدون مرارة.
- خله يخدر5 دقايق تمتزج خلاصة حبته الطويله من خلال ثقوب الكيس الهرمي.
- ارشفه ثم من روّق أو انطلق.
وبالنهاية كلن وذوقه، كيس الشاهي لايغني عن فن تحضير الشاهي الفرط، ومهما تعددت طرق التحضير فإن محبي و#حزب_الشاهي كثير، ويمكن #عاشق_القهوة للشاهي يصير.