كثير مننا يظن إن القهوة أفضل شي ممكن يعطيك الطاقة اللازمة والنشاط اللي تحتاجه عشان تقوم بمهامك اليومية، بس يغفل الكثير مننا بعد عن أهمية العشبة السحرية واللي ممكن تعطيك طاقة معتدلة وكافية لتقوم بمهامك بدون ما تسبب لك أي مشاكل، ألا وهو المشروب الأحمر الغائب الحاضر، الشاهي الحاضر بكل مناسبة، الغائب عن أذهاننا واهتمامنا، وصارت كل حياتنا قهوة، نتصور مع القهوة، نجتمع في كوفي، نقرا مع القهوة، بكل مكان قهوة، طيب انت لو تعرف الفوايد اللي بالشاهي، كان ما تترك القهوة بس تعطي الشاهي شوية وجه لا وتدمنه بعد، وموب أي شاهي ممكن يرقى لهذا المستوى من الأهميه والفايده، نوع واحد لو ذقته مره بتشرب منه أكثر من كوب باليوم، وهذه حقيقة (شاهي رمضاء) بكل أنواعه لا يغيب عن جدول يومك، شف هذه الفوايد معي، وبعدها القرار بيدك..
- من يفوز بكمية الكافيين؟!
تحتوي القهوة على كمية اعلى من الكافيين مقارنةً بالشاهي، حيث تصل نسبة الكافيين في القهوة إلى 200 ملغم في الكوب الواحد، في حين تصل نسبة الكافيين في الشاهي إلى 60 ملغم فقط في الكوب الواحد حسب النوع (الشاهي الأسود (الشاهي الأحمر): 50 ملجم -الشاهي الأخضر: 30 ملغم ).
- من يفوز بمفعول شحن الطاقة:
القهوة تعطي طاقة سريعة ويقظة وشحنة قوية بس ما تدوم سرعان ما تنخفض تدريجياً يصيبك بعدها خمول خصوصاً لو شربت كوب قهوه ثاني، بينما الشاهي يعطي مفعول تدريجي وشحنة طويلة المدى تكفيك تأدي مهامك وحتى لو شربت كوب ثاني ما يصيبك خمول بالعكس ترتفع طاقتك، بس يوصى ب4 أكواب باليوم حتى ما يأثر مفعول الكافيين على أعصابك..ان شربت 4 أكواب شاهي ولا مصادر كافيين متعددة..لأنّ أي شي يزيد عن حدّه ينقلب ضدّه..وينصح بعد إذا حبيت إنك تنام بدري في ذيك الليله..
بعد كل هذي المعلومات باقي معلّق ع القهوة؟!
القرار بيدك وش تختار؟!